老三火鍋 (已結業)

朋友早於上星期一就訂左上星期五（18/10/2019）晚上7：45兩位諗住撑枱腳。我地7：30到左問有冇枱定要等到訂枱時間先可以有枱。個女職員同我地講暫時冇枱，要等有客起身，想嚇死人呀，7點幾個個都係剛剛開始食又唔限時，即係唔洗食啦，仲話有客交枱會打返比我地。臨出門口聽到職員打比啲客問來唔來，唔來就放枱，咁點解我地兩位都唔留細枱？即係book左都唔會有位留我地唔想嘈都周圍去搵野食，幾間打邊爐既睇落有位但問左係留哂枱，預約哂。最後好在搵到間有位終於可以打邊爐。如果係冇得book就一早講聲，到最後我地食哂成餐飯都冇人打來話有枱，長沙灣選擇好多，呢間食過幾次好食先返去食佢，咁冇誠信唔會再去。