力奇四季火鍋 (已結業)

聽說人地話呢間嘢好多人食，為免白走一趟，早一日打咗電話去訂定位，接電話嘅姐仔好認真咁問咗我人數、時間同電話（好似一般訂位咁），仲叫我唔好遲到，否則會俾其他人入座。第二日提早十幾二十分鐘到，見到門口人頭擁擁，心想好在有訂位。點知行埋去同個知客話訂咗位，個姐仔竟然俾個百幾號嘅籌仔我，話訂咗位都要同其他人一樣咁輪，咁我問佢訂位同唔訂位有乜分別呀？佢就話其實無分別，都係一齊等，即係話其實無訂位服務呢回事，真係離哂譜！