基地貳 (已結業)

生日嘅朋友鐘意打卡，見呢間餐廳有個180度無邊際螢幕，幾特別，於是訂位晚上19：30。跟朋友們19：25已到達。職員話枱客未走，要我哋等一陣，安排我哋先坐高枱等，我哋6個人只好叫住啤酒飲住等，職員之後話20：15會有枱俾我哋，但最終20：45先安排到張枱。餐廳安排實在超級差，訂位都係廢的。食物方面：味精重，不至於難食，但真心沒特別。環境方面：梳化位是舒服的。但現場睇個180度無邊際螢幕其實唔太特別。服務方面：訂位安排實在超級差，帶位那位職員較有禮貌同熱心。訂座時已問定可否在甜品碟上寫Happy Birthday，當時職員話到時同我哋同時講就得了。我哋明明叫左芒果糯米飯，但卻俾左香蕉pancake，連candle都冇。我哋都懶得再同職員講佢落錯單。我請職員幫忙寫生日快樂同埋生日朋友個名時。佢話要之前講定先可寫，我話訂位時你哋同事話到時講就得，呢位職員於是十萬個不願意咁寫低生日朋友個名。呢間餐廳，真心不會再嚟，訂位安排差，服務一般，食物普通沒特別。