影片
更多
2018-11-18
542 浏览
有次同c 喺銅鑼灣食雪糕，見到角落頭有間拉麵店，終於有次做完yoga 就一齊去食。坐低後先見到有張poster 話佢連續幾年攞醬油拉麵冠軍 (唔知堅唔堅)，所以想試下佢。除咗醬油拉麵，仲有個牛奶拉麵都好吸引，所以每樣叫左一碗。個份量我就梗係叫個大滿足喇(後來發現呢個決定真係好啱)。先講下個牛奶湯底。我超鐘意。佢有少少似忌廉湯底 (注：我唔係講緊金寶湯)，不過唔會好膩。個湯我差唔多飲晒。兩塊肉都算可口，肥瘦平均，不錯。個糖心蛋同平時有啲唔同，加左啲唔知咩調味粉出去，味道上多左點層次。個面就較為普通。到醬油拉麵。個湯底唔會太咸(有啲拉麵鋪會做得太咸)，都有醬油香味。不過我較鐘意個牛奶湯。c 明顯都係，佢食左我大半碗牛奶湯拉麵。
除咗醬油拉麵，仲有個牛奶拉麵都好吸引，所以每樣叫左一碗。個份量我就梗係叫個大滿足喇(後來發現呢個決定真係好啱)。
先講下個牛奶湯底。我超鐘意。佢有少少似忌廉湯底 (注：我唔係講緊金寶湯)，不過唔會好膩。個湯我差唔多飲晒。兩塊肉都算可口，肥瘦平均，不錯。個糖心蛋同平時有啲唔同，加左啲唔知咩調味粉出去，味道上多左點層次。個面就較為普通。
到醬油拉麵。個湯底唔會太咸(有啲拉麵鋪會做得太咸)，都有醬油香味。不過我較鐘意個牛奶湯。c 明顯都係，佢食左我大半碗牛奶湯拉麵。
张贴
