魔膳廚房 (已結業)

今日去觀塘攞D嘢，順便行吓街，行行下肚餓，原來已經點幾兩點鐘，咁啱呢個時候，有位姐姐派來一張傳單，$98自助午餐，平時起太x翠x食個lunch都隨時6-7拾埋單啦，多廿零蚊有得任飲任食，見就在附近，即管上去試試，行上餐廳條樓梯都幾靚，餐廳座位都幾闊落喎，可能過左lunchtime,所以不用等位，行個圈睇吓有乜嘢食先，熟食都有差不多十款，仲有兩款湯，沙律、甜品，飲品都有幾款選擇，仲有花茶，比較特別的有蝶豆花，另加$30會有一個主菜，但見熱葷都有十款人，都係下次先試。去攞D嘢食吓先，肉醬長通粉，芝士香濃！龍利柳卷，厚厚的龍利柳卷著蔬菜放在薯蓉上焗，味道清淸的，份量十足！泰式靑咖哩雞少少辣味香濃，配蒜香多士食非常正！炒日式肥牛烏冬！鑊氣夠，醬汁亦調得好好，甜甜的，又惹味！法式紅酒燴牛面肉，肉煮得入味淋滑，帶小小根有咬囗，紅酒汁香濃惹味，配白飯食非常正～！再試試甜品，主要是泰式糕點，還有芒果糯米飯，淋上香濃椰奶，甜甜的可連食幾個，另外，仲有爆谷和棉花糖機，小朋友一定喜歡，第一次自己整棉花糖，原來都幾難整得靚，好彩職員都非常樂意幫手，另外食品refill 都非常快，掋讚～！👍🏻👍🏻