影片
更多
2021-03-25
80 浏览
平時唔多食港女嘢，難得男友book咗呢間桔梗嘅姊妹店，聽講環境好靚好闊落，一於試試佢先。Cafe係觀塘海濱附近，地鐵站行去都唔算太遠，行上去1樓嘅樓梯已經好靚好氣派。去到門口見到寫住係full booking所以冇得walk-in，心諗好彩我地book咗炸。行入Café，近乎全場爆滿，難得嘅係咁多人竟然完全唔覺得迫，對於市區Café黎講，真係好難得。佢裝修都幾靚，門口位置係湖水藍色同鮮橙色嘅配搭，個feel耳目一新得黎又好refreshing。入到去主要都係木色同灰色，最鍾意就係有張睇落好好坐嘅梳化同大棵綠色植物，見到都覺得chill呢。最surprised都係窗口位竟然冇玻璃，本身以為係方便俾啲客可以近啲戶外新鮮空氣，後尾問返男友先知，原來佢直情係有outdoor seating㗎，可惜夜晚唔開放，如果係日頭黎，就可以吹住初春微風，同三五知己慢嚐咖啡，實在太嘆喇。睇返menu，原來除咗有紙質menu，仲有得俾我地嘟曲係電話度睇menu，咁就唔怕幾個人爭住睇啦。食物睇落唔算好多選擇，不過好在佢甜品同嘢飲選擇多多，更有唔少係響其他地方唔多有嘅特別嘢，係個食tea嘅好地方。落咗柯打之後好快
Cafe係觀塘海濱附近，地鐵站行去都唔算太遠，行上去1樓嘅樓梯已經好靚好氣派。去到門口見到寫住係full booking所以冇得walk-in，心諗好彩我地book咗炸。
行入Café，近乎全場爆滿，難得嘅係咁多人竟然完全唔覺得迫，對於市區Café黎講，真係好難得。
佢裝修都幾靚，門口位置係湖水藍色同鮮橙色嘅配搭，個feel耳目一新得黎又好refreshing。入到去主要都係木色同灰色，最鍾意就係有張睇落好好坐嘅梳化同大棵綠色植物，見到都覺得chill呢。
最surprised都係窗口位竟然冇玻璃，本身以為係方便俾啲客可以近啲戶外新鮮空氣，後尾問返男友先知，原來佢直情係有outdoor seating㗎，可惜夜晚唔開放，如果係日頭黎，就可以吹住初春微風，同三五知己慢嚐咖啡，實在太嘆喇。
睇返menu，原來除咗有紙質menu，仲有得俾我地嘟曲係電話度睇menu，咁就唔怕幾個人爭住睇啦。食物睇落唔算好多選擇，不過好在佢甜品同嘢飲選擇多多，更有唔少係響其他地方唔多有嘅特別嘢，係個食tea嘅好地方。
落咗柯打之後好快有得食。本身想食台灣風味牛肉千層麵，可惜已經賣曬，惟有下次先試啦。主食方面，呢個花雕雞風味奶油雞肉燉飯應該係忌廉risotto，雞肉嫩滑，cream味足夠濃厚，最正係佢啲飯粒唔係普通米，而係義大利米，咁先會有risotto應該有嘅煙韌口感，真係落足功夫。估唔到滋補嘅花雕雞竟然同義大利燉飯咁夾，真係意外之喜。
而西班牙海港炒青口係另一番風味。有別於法式青口煲，西班牙嘅做法係棄白汁而取番茄作為主要調味，Lagom Café嘅做法響原有基礎上，更加添唔少泰式冬陰功嘅滋味，微酸辣味完美中和到花雕雞奶油雞肉燉飯嘅飽腹感。青口肉質未算嫩口，不過勝在新鮮，雖然冇青口嘅好拍檔紫蘇葉，不過都佐以多種氣味芬芳嘅香草，平時食量細小嘅我都不自覺胃口大開呀。
嘢飲方面我地就order咗一杯dirty同一杯「日落」。Dirty嘅奶底係凍鮮奶，上半部嘅啡nutty味濃，濃郁順滑嘅啡加埋新鮮清爽嘅奶，靚得黎都幾好飲。
而「日落」就係雜莓特飲。酸酸甜甜嘅梅汁係黑加侖子同raspberry底嘅，特別地方在於花香撲鼻，玫瑰果、接骨木花、玫瑰花瓣同木槿花係通透嘅玫紫色莓汁間沈浮，杯沿嘅乾燥檸檬更加添多一分明亮色彩。
甜品係我心水呢間café嘅原因—咁啱佢嘅芝士蛋糕係我最鍾意嘅basque cheesecake。呢度有好幾隻味可以揀，雖然咖啡同抹茶味都相當吸引，不過我地都係揀咗伯爵茶味。烘燶表層散發焦糖香味，內裡嘅cream cheese幼滑綿密又會太漏，焙香茶味十足，再點一點淋係面嘅earl grey cream，根本係令人欲罷不能，搞到我地想嗌多個食。
张贴
