Four O Five Coffee & Eatery

营业中

休息中

最近同朋友去咗「Four O Five Coffee」，呢間餐廳有柔和音樂同燈光，奶油灰簡約設計，配上杏灰色人造皮革梳化，坐落真心舒服！仲有VIP房，私隱度高，適合小聚或拍拖。一入座，點咗石燒澳洲牛頸脊配糖心鮑魚，鐵板燒形式上枱，熱辣辣好有氣氛～ 牛頸脊肉質嫩滑，配上露絲瑪利汁，香草味同牛肉好夾，鮑魚爽口彈牙，份量啱啱好。另一道四川辣味蜆肉意粉真是一個驚喜！蜆肉搽晒殼，新鮮又乾淨，辣椒油好惹味但唔會太嗆，意粉煮得彈牙，中西合璧嘅風味令人一試愛上。甜品點了芒果🥭菠蘿沙冰🍧，超多忌廉同芒果醬，酸酸甜甜好開胃，仲有大樹菠蘿乾做裝飾，賣相一流，飲落清爽無比。伯爵茶珍珠梳乎厘班戟同樣出色，班戟軟綿綿，伯爵茶香濃郁，珍珠煙韌有咬口，甜度剛好，食完好滿足。餐廳環境簡約有格調，卡位設計坐得舒適，服務員親切又有效率，點單同上菜都好快。整體嚟講，無論環境定食物質素都好有水準，菜式選擇中西合併，夠晒新鮮感⭐️