餐湯羅宋湯最先上,足料又好味,雞皮餃子同柚子梳打隨後就到。雞皮炸得幾香脆,飲品就普通。主角肉醬千層麵終於出場,外觀睇落似焗肉醬意粉。味道方面,芝士好多而且好香,而肉醬都好濃郁蕃茄味,食埋旁邊D配菜,既清新又解膩。
依餐敗筆在甜品,味道同賣相都無問題。問題係太早出,幾乎同主菜同步上菜。雖然有可能係就落場,但就算即刻開吃主菜,份甜品都會放涼,就有d可惜。
整體黎講用餐體驗幾好,午市段尾段無乜人,啱哂I人如我慢慢拍片。食物在中偏上水準,價錢小貴,如果可以調整甜品上菜時間就更好。
P.S. 星期日休息,不收八達通!!
肉醬千層麵+柚子梳打 $78+$10
炸雞皮餃子 $25
法式焦糖燉蛋 $32
3
5
