健康味 (已結業)

就黎到假期，真心想食得健康啲，又唔想係室內食（成日望住公司個pantry都怕）見到宣傳單張，就去呢間睇下，上openrice未有食評，估係新店嚟嘅，同事都話ok，咁就買啦。我地三個人就order左三個lunch boxes，外賣自取，上到去見到係一個office，佢另外一邊係廚房，望落去好乾淨。我記得我打去落單係11點，上到去1245，佢就黎煮完，因為係即叫慢煮關係，上度去拎剛剛好。觀塘返工嘅記得早啲order，好似買2個都會送貨嘅。我地拎落去AXA 個空擴地食，都幾正㗎。外賣飯盒係好嘢，唔係發泡膠，餐具都唔hea你，啲飯盒一打開已經好香。健康嘅伴菜有菇有菜，唔會咸，都有味，主菜我就食糙米雞，同事叫千層闊麵同埋海鮮意粉，好足料，好好味。建議先食較淡味先，食左闊麵返唔到轉頭。整體黎講都唔錯，觀塘區無乜店做健康飯盒，佢有埋卡路里計埋俾你，佢係無嘢飲送，不過好似買夠5個飯盒會送茶包，個茶包幾貴下㗎。