龍鳳號 (已結業)

🍴 惹味肉燥乾拌板條 $42 (7.5/10)肉燥鹹鹹甜甜，有股蔥油嘅香味，仲有啲芫荽蔥同埋芽菜，返條有啲似河粉同埋陳村粉，食落去比較軟腍，同埋都比較大條可以包到啲肉燥一齊食，真心幾好食！🍴古早味魯肉飯 $38 (7/10)用咗珍珠米，幾大碗嘅，滷肉味道比較偏甜，滷肉有油有瘦嘅部份，都肥瘦相間！🍴鹽酥雞 $42 (7/10)鹽酥雞炸得好香脆，肉質比較乾身，雞肉有用酒撈過，有浸酒香，食得出有蒜頭同九層塔嘅香味，鹽酥嘅味道都好濃，幾鹹香，味道都好正宗！🍴滷水拼盤 $78 (7.5/10)滷水味道鹹鹹甜甜，大腸滷得好軟腍，豬耳嘅皮好煙靭軟骨又爽口，滷蛋滷得好入味，整體味道都係比較淡，但又滷得軟腍入味，淡口人最愛！推薦指數: 7/10真心裝修幾有特色，下次會想試下甜品！