新齋橋 (已結業)

駱駝漆俾人掃左之後都唔知邊度食飯好，行過電訊數碼大樓(以前叫宏開)見到有間新野叫"新齋橋"，個名夠搞笑。lunch都算多人，但個場夠大唔洗等好耐。3個同事一齊等，拎定menu等幾分鐘就有位。lunch野食算多，基本上有齊。經理會行埋黎推薦今日有咩新鮮，算係咁。叫左個中鮪魚腩海膽三文魚籽丼，經理話今日三文魚靚，好! 就再加一客三文魚剌身上去。等一陣就有，上菜都算快手。同事就叫左個吉烈大盛，r左舊黎食，入面仲係好滑，果然無介紹錯魚生係新鮮既，個魚腩夠香口，唔似出面孤寒日本餐廳切到勁薄。個海膽唔腥，聽講係用日本米，份量ok，仲送茶碗蒸。埋單果時話試業有9折，加埋三文魚剌魚都係27x左右。