Le Three (已結業)

朋友住觀塘，佢一向都話觀塘多野食。宜安街呢邊，周圍都係餐廳，不過都偏中菜比較多。朋友話呢度有間西餐幾好食，佢就話帶我試下。 餐廳墻上好多照片都是熱門的旅遊景點，感覺幾良好，睇得出餐廳有花心思照顧客人用餐環境！講返野食先，餐湯係粟米忌廉湯,湯嘅溫度岩岩好，唔會話過熱又或者凍咗粟米同忌廉味都有到，唔會話一邊隻味過濃蓋過咗另一個味道，個湯都幾滿意！飲完個湯，侍應都好適時送上沙律，第一次食沙律配蕎麥，感覺新奇之餘都覺得好健康嘅一個配搭，香甜哈蜜瓜再配沙律菜，又有幾塊火腿，唔錯。主菜方面，朋友叫了上級美國西冷扒，上檯就見佢煎得好靚，切開來食，表面有煎香，外皮香脆。但係入面依然有肉汁，食起上來都好軟嫩，佢配嘅薯仔蓉配汁食都好好味、係一道不錯的主菜！而我就叫咗個黑松露牛肝菌意大利燴飯，上檯就聞到濃郁的香味，燴飯十分有口感，是我喜歡的米飯口感，有少許彈牙。而且越食越香黑松露和牛肝菌的味道。真的十分滿足！最後我地揀左兩杯飲品（柚子蜜+蘆薈蜜）作尾聲，清甜潤喉。我就和我朋友說，想不到你家附近有咁出色的餐廳，下次來開呢邊會一定要再試其他野食。