影片
更多
2023-11-13
21 浏览
觀塘竟然有間咁chill咁正嘅cafe，一定要推薦比大家，室內露營主題已經有賣點打到卡，嘢食高質大份可能慢慢食🤤食食下會同食客玩game送啤酒，weekend夜晚7-9pm會有live唱歌，正常cafe價咁多嘢玩又有得聽live唱歌，講真好值。🍴芝士肉醬田螺酥皮盒 $68 (9/10)個酥皮盒田螺加埋肉醬配搭非常之特別，食落去酥皮好香脆有牛油香，入邊係有少少田螺口感，有啲似蘑菇，再加埋肉醬呢係酸酸甜甜口感豐富之餘又好惹味，意外好食！ 🍴法式香草檸檬牛油蜆配酸種包 $158 (8/10)酸種包好香脆，真係食到微酸嘅味道，點牛油汁好夾，蜆肉都大概有成15隻，大大隻，食落去冇晒一啲都唔腥好新鮮，用咗香草牛油檸檬去煮，食到蜆嘅原味亦都非常香口。🍴可能係觀塘最好味嘅牛扒配薯菜 $328 (9/10)牛扒肉質好嫩滑，牛味超級香濃，煎到三成熟，真係人間美味，蔬菜都煎得好軟腍腍，薯條係比較幼身香脆，仲有個煙肉蘆筍卷非常鹹香爽脆，配咗個炸蒜頭配牛扒真係好食一流 ，除咗個非常鹹香濃郁嘅黑椒汁。🍴温泉蛋卡邦尼意粉 $138 (8.5/10)份量好足，非常creamy好重忌廉奶香味，帶微微鹹香好足料，有煙肉
🍴芝士肉醬田螺酥皮盒 $68 (9/10)
個酥皮盒田螺加埋肉醬配搭非常之特別，食落去酥皮好香脆有牛油香，入邊係有少少田螺口感，有啲似蘑菇，再加埋肉醬呢係酸酸甜甜口感豐富之餘又好惹味，意外好食！
🍴法式香草檸檬牛油蜆配酸種包 $158 (8/10)
酸種包好香脆，真係食到微酸嘅味道，點牛油汁好夾，蜆肉都大概有成15隻，大大隻，食落去冇晒一啲都唔腥好新鮮，用咗香草牛油檸檬去煮，食到蜆嘅原味亦都非常香口。
🍴可能係觀塘最好味嘅牛扒配薯菜 $328 (9/10)
牛扒肉質好嫩滑，牛味超級香濃，煎到三成熟，真係人間美味，蔬菜都煎得好軟腍腍，薯條係比較幼身香脆，仲有個煙肉蘆筍卷非常鹹香爽脆，配咗個炸蒜頭配牛扒真係好食一流 ，除咗個非常鹹香濃郁嘅黑椒汁。
🍴温泉蛋卡邦尼意粉 $138 (8.5/10)
份量好足，非常creamy好重忌廉奶香味，帶微微鹹香好足料，有煙肉同埋雜菌口感豐富，好好食！
🍴包剪揼贏嘅手工啤酒 價值$58 (8/10)
餐廳會同食客玩遊戲，贏咗會免費送啤酒勁有氣氛，啤酒幾清香，好有麥味，帶少少微苦，幾好飲😇
🍴阿華田脆脆奶蓋瀑布蛋糕配提拉米蘇雪糕 $108 (7/10)
咖啡味嘅雪糕幾香濃，少少酒味？蛋糕好鬆軟，好有濕度，中間嗰層係cream，加埋阿華田脆脆醬汁非常香濃阿華田味。
🍴 好雙乳的莓莓 $48 (8/10)
士多啤梨藍莓沙冰飲落去酸酸甜甜，都飲到果肉嘅上面仲用咗新鮮嘅士多啤梨同藍莓裝飾，酸酸甜甜幾fresh。
🍴阿婆的秘密 $48 (8/10)
係蘋果嘅沙冰啦，飲落去都好清新好有蘋果味，有少少茶嘅澀味 嘅個裝飾都幾靚好啱影相！
推薦指數: 9/10
餐廳超有氣氛，同食客玩game送啤酒，weekend夜晚7-9pm會有live唱歌，嘢食高質坐得又舒服，真心係觀塘大推！
张贴
