巴巴串 (已結業)

今日同朋友喺觀塘駱駝漆大廈搵咗一間叫「巴巴串」嘅串燒放題食，星期一至五12:00-17:00仲可以用超低價$68起食到90分鐘串燒任食任飲放題，唔同時段有唔同收費，週末嘅午市大概百零蚊，晚市就大概二百零蚊，可以揀90分鐘或120分鐘嘅放題，而且仲有唔同嘅同行優惠。呢間餐廳嘅特別之處係每一台都有一個自動滾動嘅烤爐，出面會有好多預先串好咗嘅食材，拎返去只要將鐵串烤爐入面，個齒輪就會不斷滾動，令到食物既燒得熟，又可以360度受熱，重點係全程唔需要人手滾動，一邊同朋友傾偈都唔怕好似戶外燒嘢食咁容易燒燶！食物種類繁多，有唔同嘅肉類、丸類、蔬菜類、菇類、海鮮，亦有唔同嘅熟食、炸物、雪糕同飲品可以無限任攞，呢間餐廳絕對啱晒一啲想喺室內燒嘢食而又唔想成日攞住燒烤叉嘅一班懶人朋友！📍觀塘開源道62號駱駝漆大廈第一座5樓C室位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊