山戶屋

营业中

休息中

今日同個舊同學食lunch, 佢就介紹我嚟咗山戶屋，我哋大概12:20去到，竟然仲有好多位，我心諗唔通有伏嘅呢一間嘢！？雖然餐牌有好多選擇，由於怕有伏，咁我都叫啲穩陣啲嘅嘢，就係鍋物！我叫咗麻辣牛肉蔬菜美肌鍋配飯HK$82。個鍋一嚟到，飲一啖湯先，第一時間就想讚啦，湯夠熱又夠濃味，正呀！食下啲牛肉，咦， OK喎，竟然唔韌又唔會好老，麻辣味又唔過多，美肌鍋嗰邊個豆卜又好好食，竟然冇煲到淋晒，仲有少少脆口！下次真係要再同同事嚟食啦！