伊甸 (已結業)

新裝修係日式木系，坐位闊落，而且有唔同嘅位置可以揀，觀塘又多一個舒服地方可以揀Lunch set有唔同選擇，台式或者意粉都有，啱晒唔同口味嘅朋友，而且凍飲唔使加錢！台式金牌高根牛肉麵 配 涼拌小食牛肉麵湯底非常濃郁，有微微辣味，食落唔會太刺激但係好惹味！麵質彈牙但唔會過厚，牛肉分量多而且肉質軟滑！台式香菇肉燥 新竹米粉 配 鹽酥雞排 鹽酥雞扒即炸即上，炸粉唔會過厚而雞扒有肉汁！另外肉燥米粉比較清淡，夾埋岩岩岩好！寶島蛋餅(粟米)蛋餅軟Q適中，我平時鍾意配粟米食，食落有唔同口感！紅豆仙草芋圓清熱解暑必叫仙草，而且唔止有芋圓，仲有地瓜圓，兩個都好煙韌！