麻辣小聚 (93WYS) (已結業)

今日同媽媽經開觀塘，正當諗緊食咩好呢，點知媽媽話想食酸菜魚，我就即時搵邊度有得食，點知就比我搵到呢間比較近偉業街嘅麻辣小聚。我地由地鐵站B6出口行過去都係10分鐘左右。入店之後，我就幫媽媽點左$228難忘酸菜魚，另外仲叫咗$98 高山筍炒臘肉。難忘酸菜魚一上枱，睇到媽媽個樣已經流晒口水，而我哋都急不及待夾起魚肉試試，真係啖啖肉而且好滑又無骨，入面仲有豆腐皮，粉條，萵苣等等嘅配菜，魚肉同配菜份量多，係抵食嘅！高山筍炒臘肉夠晒鮮香味又唔油膩，配白飯食簡直一流！