影片
更多
2023-05-08
163 浏览
同朋友去左觀塘一間Cafe食西餐，話試過幾次覺得唔錯，咁我地就上左去一間工廈，見到一間工業風裝修，仲有少少藝術風既畫作，可以打卡❤️ 同埋坐得幾舒服 可以同朋友傾計既cafe👍個晚食左好多野食😂 以下係綜合朋友意見既食評🙏脆炸魷魚圈 $48呢個魷魚，係當日第一款上嘅嘢。魷魚炸得香脆，炸粉唔太厚。點嘅醬比一般甜，入口舒服，感覺唔係一般沙律醬。傳統卡邦尼意粉 $128正宗卡邦尼意粉無落忌廉，只會落巴馬臣芝士同蛋。呢度有樣更傳統嘅嘢，就係真係用煙豬頰肉，取代煙肉。成品真係夠濃同滑，不過因為真係傳統口味，芝士味濃，香港人一般會覺得比較咸。蟹肉檸檬忌廉汁扁意粉 $138試完傳統嘢，就試下新派創作。忌廉Creamy，但可能會比較膩，所以今次就加啲檸檬皮落去，加啲清新感覺。欣賞佢加左菠菜，加左巴馬臣芝士，令意粉更香濃。而珍珠帶子今次唔腥，仲可以增加意粉鮮味嘅層次。韓式鮮魷魚奶油忌廉汁意粉 $118又係口感清新嘅意粉，都係魷魚。原來酸辣嘅泡菜，用忌廉除左creamy，仲可以將味道溝淡變得溫和，會好過茄汁意粉。意粉上面都係有珍珠帶子同煙肉，就會令個意粉好多口感，不過煙肉都會令意粉變得濃，可以省略。西班牙黑
個晚食左好多野食😂 以下係綜合朋友意見既食評🙏
脆炸魷魚圈 $48
呢個魷魚，係當日第一款上嘅嘢。魷魚炸得香脆，炸粉唔太厚。點嘅醬比一般甜，入口舒服，感覺唔係一般沙律醬。
傳統卡邦尼意粉 $128
正宗卡邦尼意粉無落忌廉，只會落巴馬臣芝士同蛋。呢度有樣更傳統嘅嘢，就係真係用煙豬頰肉，取代煙肉。成品真係夠濃同滑，不過因為真係傳統口味，芝士味濃，香港人一般會覺得比較咸。
蟹肉檸檬忌廉汁扁意粉 $138
試完傳統嘢，就試下新派創作。忌廉Creamy，但可能會比較膩，所以今次就加啲檸檬皮落去，加啲清新感覺。欣賞佢加左菠菜，加左巴馬臣芝士，令意粉更香濃。而珍珠帶子今次唔腥，仲可以增加意粉鮮味嘅層次。
韓式鮮魷魚奶油忌廉汁意粉 $118
又係口感清新嘅意粉，都係魷魚。原來酸辣嘅泡菜，用忌廉除左creamy，仲可以將味道溝淡變得溫和，會好過茄汁意粉。意粉上面都係有珍珠帶子同煙肉，就會令個意粉好多口感，不過煙肉都會令意粉變得濃，可以省略。
西班牙黑毛豬肉眼扒(配烤薯菜、燒蒜牛油) $168
個名咁勁，試下啲配菜先。薯蓉好creamy，應該都有足夠嘅牛油同牛奶。菜係西蘭花苗，出面比較少食到，原來佢係有啲苦味，似芥蘭，蒜牛油呢啲清清地嘅汁，辟到少少澀味。到主角黑毛豬煎得好軟好juicy，其實唔係好需要汁。跟住有朋友覺得幾鹹，我試多塊，就發現啲鹽落得唔係好平均，因為有啲位都真係好重手。
士多啤梨牛奶乳酪 $48
上面係士多啤梨乳酪，下面係甜牛奶，本身就好適合打卡。如果有攪勻，酸甜更加平衡。
藍莓牛奶乳酪 $48
朋友嘅飲品
檸檬蜜糖梳打 $32
朋友嘅飲品
榛子朱古力法式班戟 $68
榛子朱古力就係著名小朋友搽麵包嘅味道，法式班戟好薄好軟，除左用絕配嘅香蕉，加埋酸酸甜甜嘅士多啤梨，都好配合。
巴斯克蛋糕 $68
呢個係其中一款甜品賣曬嘅代替品，暫時餐牌未有。芝士焗焦左，仲融化埋，芝士好濃，陪埋生果好吸引。
焦糖香蕉窩夫 $78
呢度嘅窩夫，係比較脆嘅款式。加埋香蕉上面薄薄嘅焦糖，已經有唔同嘅層次，加埋雪糕，仲有埋冰火嘅效果，的確更正。
PS：除左食物本身，店內仲有好多奈良智美嘅畫同仙人掌🌵大家過去幫襯，就記得欣賞下啦！
19 浏览
0 赞好
0 留言
张贴
