牛霸王

营业中

休息中

最近發現咗觀塘一間隱世嘅日式餐廳「牛霸王」，雖然喺工廈入面，但係裝修好有心機，好有日式居酒屋嘅feel，用色溫暖，坐得幾舒服。今次必試嘅係招牌手打和牛漢堡蘭王蛋丼飯！個漢堡扒肉質鮮嫩多汁，牛味香濃得嚟又唔會羶！最正係上面仲有個蘭王蛋，個蛋黃流心流晒落個飯度，同秘製漢堡汁混埋一齊，香濃得嚟又唔會太漏！配埋碟頭嘅日式泡菜，酸甜開胃，解膩一流。啲飯用料係日本米，軟綿綿又夠彈牙濃茄野菌燉牛肋肉飯就係另一種層次嘅美味，啲牛肋肉燉到軟綿綿。個濃茄野菌醬汁香濃惹味，蕃茄汁又新鮮蕃茄打成，加埋啲野菌香味，食完都唔覺漏，配飯一流！照燒雞扒沙律就比較清新，雞扒表面炙燒到香脆，肉質嫩滑多汁，照燒醬甜度啱啱好冇咁漏。底層嘅沙律菜新鮮爽脆，配埋日本沙律醋，開胃解膩嘅同時又唔會太單調。總括嚟講，呢度嘅嘢食真係值得一試，但係用料同做工都好高水準。手打和牛漢堡蘭王蛋飯係限量供應，想食就要早啲去！