漁吉海鮮丼專門店

营业中

休息中

朋友系观塘返工，所以知道好多工厦隐世美食。今日同朋友做完gym之后佢带左我嚟渔吉海鲜丼专门店，位置唔算太隐蔽，一出lift门转左就会见到蓝色大招牌。餐厅既鱼生丼一共有十二款，每款各有特色。我同朋友分别拣咗渔吉特选丼同比目帆立丼。- 渔吉特选丼原本有鲍鱼，可惜咁啱无货，转左鳗鱼都唔错。鱼生款式多到铺满成碗寿司饭，鱼生包括三文鱼、油甘鱼、樱花鱿鱼、赤虾、左口鱼边、帆立贝。三文鱼同油甘鱼切得好厚身，樱花鱿鱼比较少见，外观晶莹剔透，味道鲜甜弹牙。比目鱼灸烧后鱼油丰富，同时保持爽脆嘅口感。唯一普通嘅系吞拿鱼。- 比目帆立丼份量比渔吉特选丼细，但鱼生一样铺满整个饭。帆立贝同左口鱼裙边都一样灸烧过，表皮有少少脆口。帆立贝几鲜甜，而左口鱼一样鱼油丰富。另外仲有香甜嘅玉子烧。总结嚟讲，以上两款鱼生丼都好好味，其实自己想食蟹三味（松叶蟹肉、味增松叶蟹肉同松叶蟹脚），可惜售罄，希望下次可以食到。