T.Co (開源道)

营业中

休息中

係觀塘上完瑜珈堂想食啲輕便快捷既野食，揀左依間菲律賓烤卷外賣店。店舖主要做外賣，但都有一張細枱可以係度食。香嫩雞肉烤卷 $45菲律賓人氣烤卷，即叫即整，餅皮口感煙靭，入面包著雞肉、青瓜、蕃茄、洋蔥，非常足料，醬汁甜甜辣辣，好惹味！香嫩雞肉飯 $55朋友叫左雞肉飯，雞肉同烤卷一樣，用秘製醬汁調味，同樣配上蕃茄、青瓜同洋蔥，飯既口感同平時食開既泰國米唔同，口感有少少似糯米飯，仲用左黃薑粉調味，加上芝士同沙律醬，味道都幾夾。拿鐵咖啡 / 泡沫咖啡 $30/$25咖啡做緊買一送一，好抵！凍熱咖啡都唔錯，咖啡唔算好濃，唔洗加糖都好易入口。