廚師帽 (已結業)

午餐時段，想響觀塘區搵間坐得舒服少少的茶記都不容易。呢間廚師帽會是一個好選擇，因為佢全場卡位夠大夠舒服。今日約左朋友 lunch 聚吓腳，我就諗起佢。午餐食呢D，都有成十個餐選擇。簡單食可以叫個意粉，五十幾蚊包餐湯及餐飲。見隔離枱意粉份量不多，細食 OL 啱啱好。而男丁可以選擇飯，價錢相約，但大碟好多。想豪D 可以食扒，都係一百有找。今日唔算肚餓，食個烏冬算了。是牛肉讚峙湯烏冬$58，賣相不錯，配料亦好足。肥牛肉未至於嫩滑，但絕對不是鞋烚烚的，仲有洋蔥炒過，香口D。日式魚蛋片 no good, 建議換吓貨源。湯底味濃而不油膩，好味喎，似是鰹魚湯？烏冬係扁身的，口感滑漏。餐湯是什麼？不知道！ 因為阿姐放低便走左⋯⋯傳統茶記應該有的services 飲落有D酸，唔掂。包餐飲，咖啡正常味。推薦原因係好坐，食物水準穩定，cp 值中上。