影片
更多
2025-07-11
179 浏览
半島漁港📍觀塘秀茂坪秀明道101號秀茂坪商場2樓203號舖今日嚟秀茂坪同朋友食飯，一上秀茂坪商場2樓電梯就見到呢間酒樓，之前去過南昌嗰間覺得唔錯，一於再試下!極品BB豬($1優惠)一嚟就俾$1優惠吸引咗，如果唔食豬仲可以揀燒鵝或者文昌雞! 🐷BB豬皮脆到咬落去「咔嚓」聲，皮下脂肪好薄，肉嫩帶微微炭香，抵食必點👍🏻精選三重彩(優惠價$338)套裝包咗3個餸，上湯海蝦伊麵嘅海蝦有半隻手掌大，🦐蝦嘅份量都幾多，有十幾隻，肉質彈牙，伊麵吸盡上湯精華，掛汁力max!薑蔥台山桶蠔蠔身肥嘟嘟，🦪蠔肉咬落爆漿，薑蔥鑊氣攻鼻，無腥味；淮山雲耳炒鮮百合嘅淮山爽脆、雲耳滑溜，百合瓣瓣清甜，食完濃味菜嚟一箸就啱曬大藍瓜班兩味乳鴿餐(優惠價$338)呢個餐可以嘆到藍瓜石斑一魚兩食🐟，翡翠炒瓜子斑球嘅斑球起得好厚肉，炒得嫩滑；蒜子陳皮蒸瓜子斑頭腩鍾意食魚頭腩嘅會鍾意，部位多膠質，配埋蒜子同陳皮一齊蒸，辟腥之餘帶出香味；乳鴿即叫即炸，熱辣辣上枱😋皮脆肉嫩，夠曬鹹香送飯一流呢間酒樓枱與枱之間夠闊落，上菜速度快，好主動收碟換碟，服務唔錯!走嗰陣發現仲有做海鮮火鍋放題，下次有機會要試下先
📍觀塘秀茂坪秀明道101號秀茂坪商場2樓203號舖
今日嚟秀茂坪同朋友食飯，一上秀茂坪商場2樓電梯就見到呢間酒樓，之前去過南昌嗰間覺得唔錯，一於再試下!
極品BB豬($1優惠)
一嚟就俾$1優惠吸引咗，如果唔食豬仲可以揀燒鵝或者文昌雞! 🐷BB豬皮脆到咬落去「咔嚓」聲，皮下脂肪好薄，肉嫩帶微微炭香，抵食必點👍🏻
精選三重彩(優惠價$338)
套裝包咗3個餸，上湯海蝦伊麵嘅海蝦有半隻手掌大，🦐蝦嘅份量都幾多，有十幾隻，肉質彈牙，伊麵吸盡上湯精華，掛汁力max!薑蔥台山桶蠔蠔身肥嘟嘟，🦪蠔肉咬落爆漿，薑蔥鑊氣攻鼻，無腥味；淮山雲耳炒鮮百合嘅淮山爽脆、雲耳滑溜，百合瓣瓣清甜，食完濃味菜嚟一箸就啱曬
大藍瓜班兩味乳鴿餐(優惠價$338)
呢個餐可以嘆到藍瓜石斑一魚兩食🐟，翡翠炒瓜子斑球嘅斑球起得好厚肉，炒得嫩滑；蒜子陳皮蒸瓜子斑頭腩鍾意食魚頭腩嘅會鍾意，部位多膠質，配埋蒜子同陳皮一齊蒸，辟腥之餘帶出香味；乳鴿即叫即炸，熱辣辣上枱😋皮脆肉嫩，夠曬鹹香送飯一流
呢間酒樓枱與枱之間夠闊落，上菜速度快，好主動收碟換碟，服務唔錯!走嗰陣發現仲有做海鮮火鍋放題，下次有機會要試下先
张贴
