阿杏飯團 (駱駝漆大廈第三座)

营业中

休息中

好耐冇去過觀塘今日行過駱駝漆嘅時候發現原來駱駝漆地下開咗阿杏飯團🍙其實之前一直都好想試吓啦，因為見到網上面有好評所以我一直都好想去試，今次終於有機會啦！選擇都非常之多，除咗豬牛雞海鮮，佢亦都有素食，所以係迎合晒好多個人嘅口味而且佢呢度啲飯團係即叫即做，所以製作需時，但係就確保新鮮好味 呢度嘅所有飯團都係用上健康嘅紫糯米，再加埋豐富嘅餡料，所以用了十足一定夠飽加上佢每一個飯團亦都會有精緻嘅獨立包裝確保衛生同埋方便你食如果你諗唔到食咩嘅話可以睇吓佢哋嘅最受歡迎排行榜可能會比到啲概念你我今次就食咗佢哋嘅其中一個推介奈良黑椒雞扒飯團配埋無糖豆漿一打開就見到啲肉鬆爆曬出嚟！而且份量係超級大！雞扒煎得好香好Juice好有肉汁！裏面仲有生菜菜譜油條沙律醬，所以口感味道層次好rich !我自己一個都食唔晒呀另外個無糖豆漿，豆味好濃郁feel到係真材實料食完真係覺得能量滿滿啊！