大金酒場 (已結業)

觀塘終於有啲性價比唔錯嘅居酒屋😍 新開嘅大金酒場認真幾好！話明酒場，當然有勁多款清酒俾你揀！當日我就試左佢嘅 25品 omakase ，包括前菜、刺身、煮物、壽司等。精選啲菜式介紹下☺️ 前菜嘅池魚南蠻漬、慢煮鵝肝配最中餅、雞白湯鮑魚，好高質。刺身有有真鯛、兵庫縣嘅處女蠔、北海道生八爪魚、赤貝、鱈魚白子、日本白象拔蚌等，刺身主要配上不同款式嘅鹽/ 少量酸汁，令其調味唔會蓋過新鮮食材嘅鮮味☺️ 白象拔蚌更配以紫蘇花山葵葉油漬，夠晒特別。蘋果木煙燻銀鱈魚配蒜味醬油都係我好鐘意，煙燻味痴到喺燒過而且油膩豐富嘅銀鱈魚上面，勁正。煮物嘅炭燒A5和牛配薯蓉絕真係驚喜之作，厚切但入口即溶，加埋滑滑嘅薯蓉同燒汁，無諗過煮物都咁出色。壽司即比較傳統，有深海池魚、北寄貝、白蝦、中腩、秋刀魚三星漬、黑鯥、醬油漬赤身、筋子同白海膽，秋刀同黑鯥都永遠是我嘅最愛，秋季魚好岩我食☺️ 最後仲有湯品同甜品，湯品仲要係濃濃嘅雞白湯，而甜品是chocolate mousse 同焦糖燉蛋，好滿足！除左omakase，佢地仲有鐵板燒同串燒居酒屋形式，仲要駐場唎酒師即場為你介紹或推薦，包你飲到啲特別嘅清酒，唔洗下下淨係叫獺祭😂 同埋