哥哥添飯•妹妹泡茶 (已結業)

哥哥添飯•妹妹泡茶，餐廳名幾有趣😂主打台灣菜，選擇挺多🤓裝潢文青簡潔，以白色為主，比人一種舒服小清新既感覺🍃坐落係商廈地下，相信lunch time都車水馬龍，不過今晚閒日食就唔使等位啦~☑️起司肉鬆蛋餅 ($26)好掛住台式蛋餅😭呢款皮薄，煎得香而不膩😋內餡肉鬆多，配埋芝士同蛋黃醬，簡單而好食👍🏻蛋香再重啲相信會更完美~☑️養生花雕鮑魚醉盤 ($128)呢款係星期2/4/6限定‼️以迷你兩層架，非常別緻☺️上層3款都幾入味，鮑魚彈牙，蝦肉爽甜，雞蛋溏心😋下層滿滿既醉雞，雞脾位多，肉質嫩滑~套餐配有3款前菜同小果物🍎椒鹽爆溪蝦香脆，醃苦瓜偏甜，漬物拼盤正常。另外仲有滷肉青菜🥬份量大方~ ☑️哥哥招牌塩麴雞乾拌麵 ($85)雞肉同樣嫩滑👅面頭佈滿塩麴，味道正常~ 乾拌麵有啲木耳、青瓜、紅蘿蔔絲、粟米同太陽蛋，口感豐富☺️不過本身調味偏淡，建議撈少少跟配既甜酸醬。☑️海鹽愛玉檸檬氣泡茶 (跟餐$22)檸檬氣泡茶又幾清新🥰愛玉亦非常滑溜，味道平衡! 略嫌海鹽味太淡😛☑️焦糖正山小種奶茶 (跟餐$16)奶茶竟然幾香🙈焦糖味都唔會太甜，外賣杯裝飲唔哂仲可以帶走~整體黎講，餐廳比預期中有驚喜☺️唔係千篇一律既台灣菜