影片
更多
2021-09-20
23 浏览
成日搭車經過比個名吸引左，終於黎試下！ 🥢大腸包小腸大腸既糯米好香軟，小腸唔覺得油膩，口感彈性。兩個人share 有d唔夠喉，下次要自己食一份💕🥢養生花雕鮑魚醉雞逢二、四、六提供，好彩快一步叫到最後果份！賣相同份量都值得讚，兩層架將海鮮同醉雞分開，打咭啱哂👍🏻上層有最愛既醉香鮑魚、元貝～ 流心蛋咬開都好正下層係花鵰杞子醉雞，雞肉帶有酒醇香，肉質滑溜純鮮，口感涼快仲有黨參、北芪味道，平時唔食雞翼尖都會覺得好好味！伴菜漬物以小碟盛載，特別欣賞脆香炸蝦仔同山藥。青菜伴埋魯肉碎，勁惹味之餘又有肉香油滑感！🍎生果小盤呢個配搭真貼心，尤其夏天食飽之後有D果香果酸可以緩解悶熱！🥢破布子煎封比目魚配蟹肉菠菜團菠菜加左麻油,仲有蟹肉，味道鮮香！ 比目魚肉質厚身，魚油滑溜，米粒圓潤。🥢重碳焙桂香烏龍奶茶烏龍茶茶底好甘香，混個左奶茶既依然突出🥢靚靚桃膠雪燕奶茶好似食緊養生鮮奶燕窩咁，用飲管飲每一口都充滿桃膠雪燕，點左少糖，口感好豐富！點左2杯奶茶系列，後尾見到果茶好鬼靚😻🥄混一式綜合手工芋圓芋圓地瓜圓、紫薯圓、愛玉、珍珠，紅豆，綠豆、蘆薈8款配料好豐富，可以揀黑糖薑汁/椰汁。三款圓都粉粉QQ好軟熟，好有手工
🥢大腸包小腸
大腸既糯米好香軟，小腸唔覺得油膩，口感彈性。兩個人share 有d唔夠喉，下次要自己食一份💕
🥢養生花雕鮑魚醉雞
逢二、四、六提供，好彩快一步叫到最後果份！
賣相同份量都值得讚，兩層架將海鮮同醉雞分開，打咭啱哂👍🏻
上層有最愛既醉香鮑魚、元貝～
流心蛋咬開都好正
下層係花鵰杞子醉雞，雞肉帶有酒醇香，肉質滑溜純鮮，口感涼快仲有黨參、北芪味道，平時唔食雞翼尖都會覺得好好味！
伴菜漬物以小碟盛載，特別欣賞脆香炸蝦仔同山藥。青菜伴埋魯肉碎，勁惹味之餘又有肉香油滑感！
🍎生果小盤呢個配搭真貼心，尤其夏天食飽之後有D果香果酸可以緩解悶熱！
🥢破布子煎封比目魚配蟹肉菠菜團
菠菜加左麻油,仲有蟹肉，味道鮮香！
比目魚肉質厚身，魚油滑溜，米粒圓潤。
🥢重碳焙桂香烏龍奶茶
烏龍茶茶底好甘香，混個左奶茶既依然突出
🥢靚靚桃膠雪燕奶茶
好似食緊養生鮮奶燕窩咁，用飲管飲每一口都充滿桃膠雪燕，點左少糖，口感好豐富！
點左2杯奶茶系列，後尾見到果茶好鬼靚😻
🥄混一式綜合手工芋圓
芋圓地瓜圓、紫薯圓、愛玉、珍珠，紅豆，綠豆、蘆薈8款配料好豐富，可以揀黑糖薑汁/椰汁。
三款圓都粉粉QQ好軟熟，好有手工感
每一款配料分量都唔少，大家記得留肚食吖
张贴
