影片
更多
2023-05-31
44 浏览
觀塘新開左呢間露營主題嘅Cafe，重點係有冷氣㗎，雖然有室外嘅位置，但夏天梗係坐冷氣位啦！枱枱凳凳用曬camping嘅元素，感覺真係似露營食飯，食物都唔錯，幾好食，不過價錢就平，另收加一服務費嘅！🍴法式香草檸檬牛油蜆配酸種包 $158 (7/10)蜆肉幾足，大概有16隻，牛油味好香濃，食落唔會好油膩，檸檬同香草嘅味道唔出，蜆肉好似啱啱好熟，略壓有少少腥，麵包點牛油汁，真係冇得輸好邪惡！🍴巨型豬扒配薯條沙律 $188 (8/10)豬扒都算大塊，大個一隻手掌多啲，食落肉質唔係，有少少彈性，特別係連住骨位嘅肉幾香！佢陪咗個黑椒汁，非常濃郁，有少少蒜香味，不過偏鹹咗啲，薯條係比較幼身，屬於香脆嗰種，沙律就中和左油膩感！🍴龍蝦汁海鮮意大利飯 $178 (9/10)有蜆肉魚肉魷魚蕃茄仔，都幾豐富，全部海鮮都彈牙爽口，唔會好腥！龍蝦汁都幾香，意大利飯偏硬，幾有口感，調味幾唔錯，幾好食！🍴瀑布伯爵茶玫瑰芝士蛋糕 $108 (8/10)呢個蛋糕打卡一流呀，個奶蓋係有啲玫瑰嘅香味一啲都唔甜，蛋糕係普通伯爵茶味嘅海綿蛋糕，中間有一層cream，蛋糕都鬆軟，伯爵茶味比較淡，不過加埋奶蓋就啱啱好，主要係食玫瑰嘅
🍴法式香草檸檬牛油蜆配酸種包 $158 (7/10)
蜆肉幾足，大概有16隻，牛油味好香濃，食落唔會好油膩，檸檬同香草嘅味道唔出，蜆肉好似啱啱好熟，略壓有少少腥，麵包點牛油汁，真係冇得輸好邪惡！
🍴巨型豬扒配薯條沙律 $188 (8/10)
豬扒都算大塊，大個一隻手掌多啲，食落肉質唔係，有少少彈性，特別係連住骨位嘅肉幾香！佢陪咗個黑椒汁，非常濃郁，有少少蒜香味，不過偏鹹咗啲，薯條係比較幼身，屬於香脆嗰種，沙律就中和左油膩感！
🍴龍蝦汁海鮮意大利飯 $178 (9/10)
有蜆肉魚肉魷魚蕃茄仔，都幾豐富，全部海鮮都彈牙爽口，唔會好腥！龍蝦汁都幾香，意大利飯偏硬，幾有口感，調味幾唔錯，幾好食！
🍴瀑布伯爵茶玫瑰芝士蛋糕 $108 (8/10)
呢個蛋糕打卡一流呀，個奶蓋係有啲玫瑰嘅香味一啲都唔甜，蛋糕係普通伯爵茶味嘅海綿蛋糕，中間有一層cream，蛋糕都鬆軟，伯爵茶味比較淡，不過加埋奶蓋就啱啱好，主要係食玫瑰嘅味道！伯爵茶雪糕好香濃，伯爵茶味，下面配咗啲啫喱比較淡味，整體都算唔錯！
🍴叢林的秘密 $48 (8/10)
有用到西柚，檸檬，藍莓，水蜜桃，飲落去酸酸甜甜好清新，有水蜜桃嘅香甜，同時又有西柚同檸檬嘅酸！個底仲有少少果肉，同埋椰果！
推薦指數: 8/10
環境好舒服，好似去咗露營，可以慢慢傾偈，難得仲未成為好熱門嘅打卡地點，想訂位可以直接WhatsApp店舖，觀塘有一個新地方俾大家chill下！
张贴
