澳洲M7和牛（二人前）$478
呢一個餐唔單止有牛肉，仲要有埋刺身拼盤！拼盤set有5款牛肉，（上肩胛肉、下肩胛、肩胛里肌、肩胛小排同肉眼頂）全部都係澳洲M7和牛，每款都有四塊，份量唔少😝 牛肉主要都係肩胛位，牛味都比一般濃郁，而佢哋油脂分布唔同，各有特色🥩 最鍾意食肩胛里肌，餐廳以粒狀呈上，比其他牛肉厚身，雖然油花唔算多，但咬落去唔會韌，肉味香濃😋
1
咁個刺身拼盤有有頭甘蝦、三文魚、帆立貝、馬刀貝、赤貝，刺身整體新鮮，又夠晒凍🤓 三文魚係三文魚腩，有切花，夠肥美😍 仲有帶子，menu無寫😜 另外套餐會有小食、甜品，有螺肉、泡菜、中華沙律，全部都大大碟～
除咗食燒肉拼盤之外，其實仲可以每人加$44變任食放題，仲會送埋海鮮拼盤，好抵食🤩 有鮑魚、扇貝、蜆、青口、虎蝦，鮑魚大粒又爽身，蜆多汁又甜😘
呢個任食放題都有好多嘢食，有刺身、炸物、串燒、海鮮、肉類、小食、飲品⋯ 😎 我哋叫咗啲炸物，例如：炸餃子、炸蝦、炸蠔、炸薯條，全部都係熱辣辣，新鮮炸好，我覺得好好味🤤
所以計埋落去嗰個燒肉拼盤，有咁多嘢食，價錢上都好抵食，性價比高，三百頭，就有放題任食兩個鐘，下次可以再同朋友食😝
1
