Kiuki Sweet Bakery

营业中

休息中

觀塘工廈好多隱世小店，朋友介紹左一間純手工製作既烘焙店鋪Kiuki Sweet Bakery，主打低糖低油既戚風蛋糕，不過今日我就訂左另一款推薦產品~軟曲奇系列。軟曲奇系列有多款口味，所有曲奇都加左果仁及朱古力，質感柔軟香甜，取貨時店員提醒我番去焗番熱食，味道更佳。海鹽雙重朱古力軟曲奇：有少許流心既朱古力，配上海鹽，正好中和左甜膩感，味道係意想不到咁夾。楓糖燕麥果仁軟曲奇：每一口都食到酥脆既燕麥和香口既果仁，整體口感均衡，層次感豐富，健康有益。經典朱古力果仁軟曲奇：加左粒粒朱古力和碎果仁，朱古力味道優質濃郁，果仁鬆脆有咬口，好吃不膩。總結，小店以優質食材，用心製作每件產品，加上獨立包裝，精緻禮盒，無論買番去自己食或送禮都唔錯。