泰坊 (已結業)

Openrice搵到間泰國餐廳唔差，見平日經過就一於試吓先，工業大廈一樓入面，6點去到無乜客人，揀卡位坐之後我哋每人叫碟粉醫下肚仔。😃😃炒金邊粉 4/5 $70整體酸味比較重，有大大隻蝦肉、韮菜、炒蛋絲，穫氣足夠，熱辣辣，粉量好大，一個人都食唔曬😂。海南雞金邊粉 3.5/5金邊粉煮得比較林，湯底比較重，但係麵質都保持一定嘅煙韌，唔會煮到一Pat野，海南雞比較肥美，但係都好鮮嫩，幾好食😌。地點:餐廳位於成業街嘅工業大廈，地下有樓梯直上一樓，大廈都好殘舊。環境:入邊都幾大，眼見都有30張枱以上，但係個格局好似成個飯堂咁樣，比較迫夾，有啲冷氣機滴水添。有啲烏蠅仔飛來飛去，感覺衛生情況一般。環境比較嘈，聽到店員喺廚房唱歌仔添。價錢:平均$65 一個餐有嘢飲，仲送咗甜品椰青糕俾我哋食添。☺️服務:我哋唔好要求送甜品，佢哋都俾我哋食，我哋又唔係嗌套餐，感到溫暖🥰。