泰妹餐廳 (The Wave) (已結業)

觀塘出名好多工廈有好多美食，通常餐廳都是地方大、性價比高。今次同媽媽食呢間泰菜喺The Wave 一樓，由觀塘B出口行過嚟唔洗十分鐘就可以到了，非常方便。首先點了泰菜必食嘅前菜，泰式生蝦半份～生蝦咬落厚身爽口，夠哂新鮮，仲要點埋特制酸辣醬、蒜片、辣椒，食到唔停啊。主菜就吃了泰式金邊粉，見到好靚嘅蛋花包住成碟麵，賣相非常吸引。而且金邊粉非常足料，仲有幾隻大蝦！媽媽就點了佢想食好多嘅泰式豬脾飯，因為唔係間間泰菜餐廳都有機會食到。不過呢到就唔係原隻豬脾，會切到有點碎，所以食落都比較軟身。