歡喜燒 (已結業)

見到呢間係駱駝漆大廈既串燒任食好似好抵食咁，平日7點半前離座都係188蚊。今日早收工，同朋友6點就黎食，7點半就離座。 第一步就出去拎串燒，提供既食物款式好多。肉類拎左雞牛豬，蔬菜就有粟米翠肉瓜冬菇，就連秋葵都有，正呀喂。之後叫左啲炸物，有麥樂雞，炸芋圓，炸蠔，而炸鮮奶最好食。另外仲叫左2碟菜去下油。甜品有台式甜品，可以自已揀配料。自助區仲有啲細cake同埋啫喱。仲有唔少得雪糕，雖然冇哈根大師，但有cocoberry都唔錯，食個vanilla雪糕做句號，正。