Coti (鴻圖道)

营业中

休息中

有日放假星期日經開鴻圖道所以就去咗呢一間觀塘Cafe入去嘅裝修係用木為主感覺好warm隨即點左，蒲燒鰻魚滑蛋飯 同日式紅酒燉牛肉配飯 再配Rose Latte同Iced Mocha喜歡滑蛋上佈滿紫菜再連埋滑蛋同鰻魚一齊食非常之好配搭，而且鰻魚係有兩大塊，同埋喜歡有沙律伴碟有蕃茄仔，紅蘿蔔，西蘭花，加上飯嘅份量都幾大碟至於紅酒燉的牛肉唔韌，咬落鬆化，而且牛肉帶少許肥膏不是全部肉感覺好滑口亦有小蕃茄及西蘭花伴碟，飯嘅份量都唔少呀而咖啡方面喜歡用一個小蛋糕伴隨， Rose Latte上有玫瑰花瓣，Iced Mocha 亦沖得恰到好處。喺觀塘工業區咁繁忙嘅地方都可以搵到一間小Cafe休息一下而且不用上樓，是地舖的，是歇腳舒服的好地方。