Relish

营业中

休息中

同朋友即興約食飯，嚟到觀塘附近搵好嘢食，餐廳主打日式樣式料理，木系裝修感覺溫馨。我哋兩人各點左一個晚餐set，一入座店員會先送上一杯糖漬檸檬薑梳打，酸酸甜甜好開胃。前菜點了南非鮑魚伴醬油漬三文魚籽，鮑魚已先切好一片片方便食用，味道鮮甜。另外點了芝士焗元貝釀蟹肉配蟹膏野菌忌廉汁，元貝大粒啖啖肉。干邑龍蝦湯湯碟上有兩隻鮮蝦和露荀片，店員會即場由大壺中倒上龍蝦湯，龍蝦味香濃，視覺效果不錯～Refreshment tea飲完湯後會有台灣單品原茶清新味蕾，再上main dish，茶香醇厚，淡雅甘甜。栗子野菌釀法國黃油春雞蘆筍奶油千層薯賣相精美，第一次食到栗子野菌釀入雞內，栗子香和菌香中和黃油春雞的油膩感，雞隻燒得外皮香脆內嫩滑，份量更適合女生食用。慢煮西班牙八爪魚鬚伴枝豆野菌墨魚汁意大利飯八爪魚容易切開口感軟淋，意大利飯軟硬度適中，墨魚汁不會過鹹，擺盤有心思。opera跟餐的甜品，朱古力味濃郁，入口軟滑即溶。