新式茶樓
光猛乾淨
坐得闊落
環境好舒服
落座仲即刻送上餐前小食
紅紅綠綠冷盤望到都開胃
呢度星期六日假期仲有點心放題
都幾吸引
不過今日無留肚
就食個午市套餐加點心
不過其實個套餐已夠飽
有少少眼闊肚窄😂
四喜烤麸好入味
甜甜地幾開胃
招牌小籠包皮薄
但又唔會一夾即爆
貢布胡椒酸辣湯又爽又香
料足得黎唔會太酸太辣
京蔥爆牛肉炒得鑊氣十足
牛肉嫩滑
加埋京蔥好香口
老上海炒飯乾身粒粒分明
帶少少鍋氣
好食
另外加點嘅三色燒賣賣相靚
爆汁牛肉煎餅真係名副其實
咬落爆晒汁
真係要叫格離位小心🙏
牛味濃郁
最後嘅白茶流心芋球外脆內軟
微香好驚喜！
食物味道有水準
上菜快
添茶勤
食放題都易回本！🤭
