六両三.台灣食堂 (已結業)

觀塘新開張嘅六兩三！之前係尖沙咀有聽過，但一直都未食過，今日咁啱經過就試吓啦！滷肉飯 （細）$18平時成日食滷肉飯都會食到啲好肥嘅滷肉飯，但係呢個嘅特別之處係半肥瘦，所以啲滷肉比較有咬口。而且我覺得佢啲汁都好好食，滲晒落啲飯到好正！超級勁愛滷肉飯！川味紅燒三寶牛肉麵（牛腱牛筋牛肋條）$88食台灣野當然一定要食牛肉麵，我覺得佢嘅精粹係喺肉到，牛腱超級淋同埋入味、牛肋條有咬口、重中之重係佢條牛筋超級勁爆滑，完全唔係嗰種gel口嘅牛筋。好正！麵條係手工麵，好有咬口又唔會太粉。另外佢個湯底好濃味！（如果鍾意食辣，可以叫店員比少少秘製辣醬，仲好食。）冬瓜茶 $20食台灣野又點可以唔飲台灣最出名嘅冬瓜茶呢！唔算太甜不過幾香冬瓜味！