影片
更多
2018-03-08
3011 浏览
有個朋友好耐無見，知道佢呢排升左職，就梗係要食餐飯賀一賀佢啦，本身自己係觀塘番工，除左apm同啲工廈，都唔知有咩好食，最近上facebook，見到有間米芝蓮一星既法國菜係觀塘開左分店，就諗都無諗打去book位！我地約左星期三晚食飯，就係貪佢平日應該少啲人，可以靜靜地傾下計，餐廳位置都算易搵，係地鐵站行過去都係2分鐘就到，門口唔算好起眼，行過好易會miss 左，但你入到去啲裝修好舒服，簡簡單單，又夠闊落。到重點既食物方面，其實本身無咩特別話想食啲咩，就聽下佢既推介，店員都好細心，問曬你有咩唔食再推介，首先係前菜香脆法包拼芝士條，配上酸忌廉芝士醬，酸酸地好開胃，有淡淡香草味，好容易食唔停口。跟住就飲左個法式洋蔥濃湯，本身麻麻地洋葱既我，竟然可以飲曬成碗，洋蔥味好濃烈同個湯好夾，飲得岀個湯頭應該有用牛肉高湯熬過，係誠意之作。Amuse Bouche 頭盤先黎了一口多士，多士上配有大量三文魚伴醬, 多士好香脆，而且食得岀三文魚好新鮮，伴醬就咁食都唔滯，兩個人一啖接一啖，好快就停唔到手清左碟，份量都唔算小，又幾開胃！終於到左主菜，店員推介一定要試下個羊架，話係招牌菜，果然名不虛傳，係法國羊架
我地約左星期三晚食飯，就係貪佢平日應該少啲人，可以靜靜地傾下計，餐廳位置都算易搵，係地鐵站行過去都係2分鐘就到，門口唔算好起眼，行過好易會miss 左，但你入到去啲裝修好舒服，簡簡單單，又夠闊落。
到重點既食物方面，其實本身無咩特別話想食啲咩，就聽下佢既推介，店員都好細心，問曬你有咩唔食再推介，
首先係前菜香脆法包拼芝士條，配上酸忌廉芝士醬，酸酸地好開胃，有淡淡香草味，好容易食唔停口。
跟住就飲左個法式洋蔥濃湯，本身麻麻地洋葱既我，竟然可以飲曬成碗，洋蔥味好濃烈同個湯好夾，飲得岀個湯頭應該有用牛肉高湯熬過，係誠意之作。
Amuse Bouche
頭盤先黎了一口多士，多士上配有大量三文魚伴醬, 多士好香脆，而且食得岀三文魚好新鮮，伴醬就咁食都唔滯，兩個人一啖接一啖，好快就停唔到手清左碟，份量都唔算小，又幾開胃！
終於到左主菜，店員推介一定要試下個羊架，話係招牌菜，果然名不虛傳，係法國羊架烤薯拼有機時蔬，份量好大份，岩曬我呢啲食肉獸，羊架煎得好香，上菜的時候仲聞到陣陣羊味，羊味好重但一啲都唔羶，伴碟的薯泥同時蔬夾得好好，食完都唔會太滯，中意食羊既朋友千祈唔好錯過
同行友人想食飯，就選擇左香煎帶子黑松露意大利飯，帶子煎得岩岩好，無過熟的問題岀現，本身自己最愛食意大利飯，味道夠Creamy，口感都唔錯，三隻帶子都係誠意之作，咬落啖啖肉，都幾正！
食埋甜品就過左滿足既一晚，兩個人食左餐不錯既法國餐，都唔洗$400/1個人，以米芝蓮既餐廳黎講，都算係咁啦，下次一定會encore !!
张贴
