一入到去就即刻一齊掃QR code，跟住就同友人同步點菜。我地點左帶子 赤貝 油甘魚象拔蚌 甜蝦。。。之後就一大盤連埋乾冰咁送黎，又鮮甜又大件，超抵食，我就超鍾意北寄貝同埋北海道帶子片同埋螺片，冰凍啲八爪魚點埋獨立包裝啲芥辣，真系食落又衛生又安心，跟住又點左藍青口，仲有最正啲蒜蓉粉絲蒸扇貝； 如果話要推介的話，我就更加推介薑蔥爆鱔球、黑椒蜜汁一口牛同埋一品花膠盛宴，依D平時屋企整唔到丫麻，就梗系出黎放題食過夠佢啦！
現場仲有任飲凍梅酒、凍清酒，唔飲酒啲就有橙汁豆漿或者提子汁選，今次無飲到醉就走了，下次有假期一定要同友人盡興不醉無歸！
