影片
更多
2022-06-03
43 浏览
隨着觀塘重建，又多開了一個商場，YM2 坐落於裕民坊，今日過嚟閒逛，呢度嘅餐廳都有幾多選擇。上到去3樓空中花園樓層，綠油油嘅花園，感覺非常舒服，環境設計有點似K11 Musea，經過東羅泰館，門口非常雅致，裝修感覺時尚高雅，決定一試。餐廳以木色和金色做主調，加上藤椅和植物的點綴，仿如置身於泰國的悠閒中。食物方面都幾多選擇，主打摩登時尚泰菜，有別於坊間其他泰菜。脆炸豆腐（$38）炸豆腐配上魚露及青檸，是一道非常開胃嘅小食，豆腐炸得金黃色，外脆內軟，加上酸酸甜甜嘅檸檬汁，立即打開味蕾。鹹蛋黃單骨雞翼（$58）單骨雞翼食落非常方便，炸得又香又脆，內裡肉嫩，配上香濃惹味的鹹蛋黃，做得非常出色，一隻一隻食不停。泰式生蝦（$78）一隻一杯嘅泰式生蝦，很唯美，打卡一流，唔止好睇，而且仲好好食，生蝦非常新鮮，鮮嫩彈牙，泰式生蝦汁酸酸辣辣，雖然有少少辣但好香蒜味。炭烤脆燒雞（半隻，$168）泰式烤雞要等大概20 分鐘，即烤即上枱，雞皮烤得脆卜卜，雞肉嫩滑多汁，就算係雞胸都好好食，唔會鞋口。旁邊更配有青木瓜絲沙律，沙律菜和蕃茄仔非常新鮮，木瓜絲爽脆好味，整道菜非常有誠意，而且份量也十足。巴東蟹肉炒飯配炭燒
上到去3樓空中花園樓層，綠油油嘅花園，感覺非常舒服，環境設計有點似K11 Musea，經過東羅泰館，門口非常雅致，裝修感覺時尚高雅，決定一試。
餐廳以木色和金色做主調，加上藤椅和植物的點綴，仿如置身於泰國的悠閒中。
食物方面都幾多選擇，主打摩登時尚泰菜，有別於坊間其他泰菜。
脆炸豆腐（$38）
炸豆腐配上魚露及青檸，是一道非常開胃嘅小食，豆腐炸得金黃色，外脆內軟，加上酸酸甜甜嘅檸檬汁，立即打開味蕾。
鹹蛋黃單骨雞翼（$58）
單骨雞翼食落非常方便，炸得又香又脆，內裡肉嫩，配上香濃惹味的鹹蛋黃，做得非常出色，一隻一隻食不停。
泰式生蝦（$78）
一隻一杯嘅泰式生蝦，很唯美，打卡一流，唔止好睇，而且仲好好食，生蝦非常新鮮，鮮嫩彈牙，泰式生蝦汁酸酸辣辣，雖然有少少辣但好香蒜味。
炭烤脆燒雞（半隻，$168）
泰式烤雞要等大概20 分鐘，即烤即上枱，雞皮烤得脆卜卜，雞肉嫩滑多汁，就算係雞胸都好好食，唔會鞋口。
旁邊更配有青木瓜絲沙律，沙律菜和蕃茄仔非常新鮮，木瓜絲爽脆好味，整道菜非常有誠意，而且份量也十足。巴東蟹肉炒飯配炭燒雞肉串（$118）
炒飯配有蟹肉，蘆筍，雞蛋，洋蔥等配料，炒得乾身均勻，口感粒粒分明。雞肉串亦燒得唔錯。
张贴
