LM Cafe (已結業)

今晚放工專登去觀塘搵朋友一齊開餐，決定試吓呢間Cafe嘅食物，叫左一份黑松露意粉、輕型流心多士餐，兩個人食啱啱好，夠曬飽！前菜(粟米沙律）及 羅宋湯粟米同生菜都非常新鮮。而羅宋湯嘅味道就酸酸甜甜，非常開胃。流心多士炒蛋非常滑溜而且熱辣辣，只要用刀輕輕切幾下，芝士汁已經流晒出嚟，不過，芝士味道不算太濃，個人喜歡更濃郁嘅芝士味。至於多士，烘得兩邊金黃香脆，配合芝士流心蛋一齊食，好味道！黑松露意粉意粉軟硬度啱啱好，非常彈牙，配合黑松露醬同雜菇，未食已經聞到好香。由於醬汁好濃郁，令我食完一口會再想食多幾口。龍鳯檸樂 及 鹹檸七雖然一般茶餐廳都有，但晚飯飲呢d飲品真係一流，飲完即刻relax曬！