影片
更多
2023-03-24
805 浏览
話說我係聖誕節已經係咁同男朋友🤣講好想食芝士火鍋，但係我哋一直都冇去到，直到前幾日我留意到呢間cafe竟然有得食😍仲要之前去過佢啲嘢食都唔錯！ 所以就決定放假去啦🥳♥ 特濃芝士火鍋 $244配料可以自選七款，部分配料要加錢， 我哋就揀咗棉花糖、蕃茄仔、多士粒、 鮮蝦肉、 香煎牛柳粒（+$28)同酥炸魷魚圈（+$28)，彈牙既蝦肉，滑嫩既牛柳配上濃郁既芝士醬認真舐舐脷😋棉花糖本身甜絲絲則同芝士醬唔太夾♥ 意大利黑醋一字豬肋骨 $98豬肋骨好入味，好容易咬落去就骨肉分離，啖啖肉，以意大利香醋味酸酸甜甜食完十分之開胃，作為前菜最合適不過，仲有薯蓉作伴碟，成碟都清哂♥ 香煎原隻琵琶蝦燒菠蘿冬陰功意大利飯 $168琵琶蝦真係大大隻多肉又有膏既彈牙，燒菠蘿又香又甜，而意大利飯口感岩岩好軟硬適中，冬陰功味道濃厚粒粒飯都索滿，帶辣辣地幾過癮♥ 宇治抹茶鮮奶 $42濃郁的宇治抹茶同鮮奶互相平衡，飲落唔會太重苦味，口感順滑♥ 蔓越莓玫瑰紅棗茶 $42作為女人緊係要飲下花茶養生，微微酸甜，紅棗又補血感覺好健康♡ 呢間餐廳食物質素真係唔錯又好食，最緊要又有打卡位大家記得帶個識影相既去幫自己打下卡喇XD
♥ 特濃芝士火鍋 $244
配料可以自選七款，部分配料要加錢， 我哋就揀咗棉花糖、蕃茄仔、多士粒、 鮮蝦肉、 香煎牛柳粒（+$28)同酥炸魷魚圈（+$28)，彈牙既蝦肉，滑嫩既牛柳配上濃郁既芝士醬認真舐舐脷😋棉花糖本身甜絲絲則同芝士醬唔太夾
♥ 意大利黑醋一字豬肋骨 $98
豬肋骨好入味，好容易咬落去就骨肉分離，啖啖肉，以意大利香醋味酸酸甜甜食完十分之開胃，作為前菜最合適不過，仲有薯蓉作伴碟，成碟都清哂
♥ 香煎原隻琵琶蝦燒菠蘿冬陰功意大利飯 $168
琵琶蝦真係大大隻多肉又有膏既彈牙，燒菠蘿又香又甜，而意大利飯口感岩岩好軟硬適中，冬陰功味道濃厚粒粒飯都索滿，帶辣辣地幾過癮
♥ 宇治抹茶鮮奶 $42
濃郁的宇治抹茶同鮮奶互相平衡，飲落唔會太重苦味，口感順滑
♥ 蔓越莓玫瑰紅棗茶 $42
作為女人緊係要飲下花茶養生，微微酸甜，紅棗又補血感覺好健康
♡ 呢間餐廳食物質素真係唔錯又好食，最緊要又有打卡位大家記得帶個識影相既去幫自己打下卡喇XD
张贴
