165
8
6
等级3
47
0
2022-07-03 189 浏览
去到觀塘地鐵站附近,口痕痕想打個冷,就揀咗呢間食。門口有啲難搵,差啲睇唔到,佢係"高興"附近,如果我搵唔到,就會行咗入去高興🤣入到去都好大好通氣,不過就冷氣唔多夠。除咗側邊既卡位,中間都係啲大大小小既圓枱,甚有大排檔feel。先嚟一碟鵝片,鵝肉唔夠香滑,不過個鹵水汁就幾好味。成碟都係得面頭嗰16塊,而底下嘅豆腐冇變味完全食得番晒(我試過其他地方有變壞)跟住落嚟就係炸蠔餅,由於炸粉太多,令到每一啖都食唔到蠔,不過炸粉炸得幾脆唔會一口油。算啦,都要比人賺下。另外牛筋腩唔錯,牛肉味道夠香,忟得夠冧,而湯底有啲似豬肚湯味,而九肚魚就大條細碟,脆卜卜啱送酒。最後嗰胃爭少少,叫左碟梅子骨,甜酸味好濃,不過就食唔出咩梅味。其實如果爭少少唔夠飽,呢間野有簡單中式糖水叫,不過我就無試過,又唔係好見其他食客叫。
更多
去到觀塘地鐵站附近,口痕痕想打個冷,就揀咗呢間食。門口有啲難搵,差啲睇唔到,佢係"高興"附近,如果我搵唔到,就會行咗入去高興🤣

入到去都好大好通氣,不過就冷氣唔多夠。除咗側邊既卡位,中間都係啲大大小小既圓枱,甚有大排檔feel。

19 浏览
0 赞好
0 留言

先嚟一碟鵝片,鵝肉唔夠香滑,不過個鹵水汁就幾好味。成碟都係得面頭嗰16塊,而底下嘅豆腐冇變味完全食得番晒(我試過其他地方有變壞)

9 浏览
0 赞好
0 留言

跟住落嚟就係炸蠔餅,由於炸粉太多,令到每一啖都食唔到蠔,不過炸粉炸得幾脆唔會一口油。算啦,都要比人賺下。

11 浏览
0 赞好
0 留言
8 浏览
0 赞好
0 留言
11 浏览
0 赞好
0 留言


另外牛筋腩唔錯,牛肉味道夠香,忟得夠冧,而湯底有啲似豬肚湯味,而九肚魚就大條細碟,脆卜卜啱送酒。

最後嗰胃爭少少,叫左碟梅子骨,甜酸味好濃,不過就食唔出咩梅味。其實如果爭少少唔夠飽,呢間野有簡單中式糖水叫,不過我就無試過,又唔係好見其他食客叫。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食