龍點心 (Eastcore)

营业中

休息中

觀塘食下午茶有好多嘢揀，上樓去新開龍點心，見到人少D，又几靚，仲有新開8折，咁就俾個機會佢啦！另外見佢仲有雜錦點心優惠我地2:25座底，佢俾咗張QR code 單俾我地落單，我scan 入去睇見唔到折扣，就問佢係咪要等晏少少點先有下午茶優惠？店員好有禮貌話我知，如果我準備食下午茶，佢轉頭夠鐘開另一張QR code 單俾我地。另外依度嘅茶有菊普揀，只係$8位，雖然菊花味唔係太重，但已經唔錯。夠鐘用新下午茶QR code 入去落單，見到佢直接顯示折左嘅價錢，點咗一龍大滿足：有蝦餃王，酸菜魚鳳眼餃，松露野菌餃子，牛肉燒賣同豌豆桃子。整體好靚又大粒又几好食，折左先$46 唔錯飲茶最鍾意食牛肉球，佢個拳頭咁大嘅牛肉球有4粒大牛丸份量，雖然唔平，但幾真材實料。韮黃鮮蝦腸粉，巳經切好有六份，六粒大蝦，方便食。見整體味道唔錯，我哋再點咗個小菜：芥末蝦球。同蝦腸一樣咁大隻蝦，俾預期大碟，好走油後撈勻芥末醬，惹味，如果唔係點咗麵，配白飯一流。佢個普通擔擔面，比出面辣，但幾香口，忍唔住食曬。