影片
更多
2023-04-20
81 浏览
牛站係觀塘有分店喇，唔洗去到尖沙咀咁遠食，非常好。觀塘嘅店面積比尖沙咀店更大更寬，自助區更大，飲品，小食，火鍋配料選擇亦更多。我哋選了雙拼鍋，美顏花膠竹絲雞鍋，禦寒胡椒豬肚鍋，兩款湯底都好足料，味道好清甜，胡椒豬肚鍋特別暖胃。我地揀左$298餐，可以仼食SRF美國極黑和牛片，大片大片咁岀，唔會碎濕濕，牛嘅質素好好，牛味濃郁，肉質軟腍，好食。美國牛肩胛片（3-4片）質素都唔曳，油花均匀，都唔錯。鐘意牛嘅仲有牛脷托，爽口有嚼勁。除咗牛，當然仲有雞，豬同羊，一定滿足到食肉獸嘅慾望。海鮮推介嘅有鮮甜沙白，肥美白鱔片，滋補花膠，彈牙嘅手打墨魚滑，彈牙荷包墨魚仔，日本帆立貝，新鮮海蝦。其他必食嘅仲有大粒軟嫩嘅鮮雞子，秘製滷大腸，滑嘟嘟嘅台北鴨血等，全部都好新鮮！各式丸類，蔬菜🥬，麵類，響鈴，炸魚皮，炸午餐肉係自助區仼拎仼食，開心有我最愛嘅冰菜💕岀面雪櫃有齊汽水，泡茶，涼茶，冷連珍珠奶茶，清酒梅酒都有，必定有款啱口味。最後食埋杯柚子乳酪雪糕，食到抱住個肚走🤗！
觀塘嘅店面積比尖沙咀店更大更寬，自助區更大，飲品，小食，火鍋配料選擇亦更多。
我哋選了雙拼鍋，美顏花膠竹絲雞鍋，禦寒胡椒豬肚鍋，兩款湯底都好足料，味道好清甜，胡椒豬肚鍋特別暖胃。
我地揀左$298餐，可以仼食SRF美國極黑和牛片，大片大片咁岀，唔會碎濕濕，牛嘅質素好好，牛味濃郁，肉質軟腍，好食。美國牛肩胛片（3-4片）質素都唔曳，油花均匀，都唔錯。鐘意牛嘅仲有牛脷托，爽口有嚼勁。除咗牛，當然仲有雞，豬同羊，一定滿足到食肉獸嘅慾望。
海鮮推介嘅有鮮甜沙白，肥美白鱔片，滋補花膠，彈牙嘅手打墨魚滑，彈牙荷包墨魚仔，日本帆立貝，新鮮海蝦。
其他必食嘅仲有大粒軟嫩嘅鮮雞子，秘製滷大腸，滑嘟嘟嘅台北鴨血等，全部都好新鮮！
各式丸類，蔬菜🥬，麵類，響鈴，炸魚皮，炸午餐肉係自助區仼拎仼食，開心有我最愛嘅冰菜💕
岀面雪櫃有齊汽水，泡茶，涼茶，冷連珍珠奶茶，清酒梅酒都有，必定有款啱口味。
最後食埋杯柚子乳酪雪糕，食到抱住個肚走🤗！
张贴
