華嫂冰室 (皇廷廣場)

营业中

休息中

第一次寫食評，自己並唔係咩食家，純粹係因為食開屏山果間，太多時候都坐室外冇冷氣位，今次專登黎試下觀塘呢間，點知...首先最期待既冰花奶茶，因為本身實在太鍾意飲奶茶，但係由杯底飲起竟然會覺得好淡，好似俾水溝稀左好多。其次係湯底，雖然係叫左清湯，但屏山個清湯底絕對好夠味，仲加左少少豬肉碎，送通粉係一流，黎到觀塘淡而無味。另外碗粉仲食到一塊類似包住蟹柳既膠。最後到菠蘿豬扒包，個菠蘿包攤凍左，皮完全唔脆，裡面豬扒就好夠熱，加埋一齊就真係唔好食。可能好主觀，不過食過屏山果間就知道2間質素真係差好遠，觀塘勝在冷氣夠凍，完。