喵一下 (已結業)

觀塘工業區工廠大廈隱文青cafe——喵一下🏭 到達目的地，已經感受到餐廳充滿濃厚既復古風味，以懷舊玩具、擺設佈局，花草植物等為賣點，周圍都搵到打卡位🪟 而且佔地面積充裕，座位之間空間十足～ 食物方面，以日式料理為主，每款定食都配有三款前菜、湯、甜品；首先咖喱吉列豬扒，炸得尚算合格，配上偏向微辣既咖哩醬，幾香口惹味，令人好開胃～ 而天婦羅冷麵，炸物即叫即炸，口感香脆亦唔會過於油膩，而冷麵好適合夏日炎炎點選🥢 總結餐廳食物質素幾唔錯，環境佈置帶比人穿越時空嘅感覺，但地理位置比較偏遠，有機食經過可以一試～