Bella Shine (已結業)

觀塘工業區一向都係美食集中地，最近因工作關係好多時間都會留係果頭，當然趁呢個機會周圍試下啦今次先去試下Bella Shine,地點就近APM。門口燈火通明，裝潢主要以啡同綠色為主，有種置身森林既感覺，好舒適《門口有兩個威武既武士》點餐後享受下個環境，同埋可以睇下廚師工作先來一個餐前蒜蓉法包，蒜味香濃《日式脆脆雞沙律配果仁汁》雞塊連皮炸，所以無乜炸漿都好脆，而且完全晾曬油，唔會有油膩感覺，雞肉亦保留到肉汁。果仁汁沙律好有驚喜，本時食沙律菜會有陣苦澀味，不過個果仁汁完全中和左個苦味，有陣陣杏仁香味仲有兩個炸物《吉列牛肉薯餅》薯蓉磨得好幼滑，一D渣都無，牛肉雖然唔多，亦品嚐都啖啖牛味《吉列忌廉蟹餅》蟹肉同忌廉混，每一啖都有蟹肉鮮味，同時加左少量洋蔥碎同磨菇碎，加強口感本身諗住食完再加其他小食，但已經飽了所以order杯飲品就好了《薑餅咖啡》入口幼滑，唔算好甜，咖啡同薑味配合得很好冬天叫一杯熱既暖身一流