順德公漁村河鮮酒家 (已結業)

男友知道我最愛中菜，就周圍陪我試下d 特色中菜，今晚就黎到觀塘帝盛酒店嘅順德公食晚飯。一入到去環境都算幾闊落，旁邊仲有一個擺放住各款游水海鮮嘅魚缸。如果有人order 左，仲會有師傅即場喺呢度劏魚。雖則開放式劏魚。 我地就選左個二人餐 （$680)蟲草花天麻炖大魚頭湯每人飲到大概4碗左右，味道真係濃郁到飲第一啖時有驚豔到。蟲草花等中藥嘅藥材味好都濃。配炸蒜絲、青辣椒豉油可沾湯渣食。魚頭雞腳已經炖到軟綿綿，雞腳好似化骨綿腳, 吸晒湯濃郁嘅鮮味。魚湯腐竹浸勝瓜相對呢度菜色較為普通，魚湯有淡淡的胡椒味。巧手千島大蝦球共有4件大蝦球。比起平時食到沙拉果種味道會比較和諧，而且加咗蟹子增加口感，大蝦亦彈牙爽口。本人超愛食鱔，呢道蒜片扣珠江花錦鱔王最得我心。調味超級惹味。肉質Q彈，魚皮部分煙韌得黎都嫩滑。煲內唐芹、羅白吸晒精華勁入味。不過要小心魚內粗骨部分。比起一般酒樓中菜煮得更有火喉同心機。