The Stadium (已結業)

星期日假期應該要好好休息下，觀塘呢邊有好多新開既工廈，仲有好多新式餐廳，今日行過開聯道呢邊就見到呢座類似係翻新的工廈，有幾間都係新開的餐廳，就試下呢間The Stadium 食西餐。呢間餐廳環境真係超好，整整全一層，一出lift 就係，又大又寬落，仲有好多活動玩，有足球機，飛鏢機，大電視，超寛露台，仲有桌球同酒吧。餐牌有Lunch Set 可以揀，也都可以散叫黑松露雜菇Pizza, pizza底焗得好乾身好脆，一啲都唔油唔漏，上面的黑松露醬都好惹味，加上香草好夾炸魚薯條，薯條唔算係好粗，但炸得好香，充滿薯仔肉，炸魚有三條, 魚肉嫩滑，熱辣辣美國極黑毛豬，煎得十分恰好，出面脆，肉質好嫩滑，食得出係豬脾肉，入口充滿特別香的豬肉味，值得推介。